Jańadan jasaqtalǵan Týrızm jáne sport mınıstrliginiń qurylymy qandaı bolady

ASTANA. QazAqparat – Jańadan qurylatyn Týrızm jáne sport mınıstrliginiń qyzmet baǵyty men erejelerin bekitýdi kózdeıtin Úkimet qaýlysy ashyq talqyǵa shyǵaryldy, dep habarlaıdy QazAqparat tilshisi.

«Qazaqstan Respýblıkasynyń Týrızm jáne sport mınıstrligi dene shynyqtyrý jáne sport, oıyn bıznesi, lotereıalar jáne lotereıa qyzmeti, týrıstik qyzmet salalaryndaǵy basshylyqty júzege asyratyn Qazaqstan Respýblıkasynyń memlekettik organy sanalady», - delingen Úkimet qaýlysynda.

Qujatta kórsetilgendeı, mınıstrliktiń quramyna myna vedomstvolar enedi:

1. Sport jáne dene shynyqtyrý isteri komıteti;

2. Týrızm ındýstrııasy komıteti.

Sonymen qatar Týrızm jáne sport mınıstrliginiń qyzmet baǵyttary aıqyndalǵan:

- dene shynyqtyrý jáne sport;

- oıyn bıznesi;

- lotereıalar jáne lotereıa qyzmeti;

- týrıstik qyzmet, týrızm jáne týrıstik ındýstrııa.

Mınıstrliktiń jáne oǵan baǵynysty vedomstvolardyń qaramaǵyna myna uıymdar kiredi:

- Respýblıkalyq sport kolledji;

- Ulttyq sporttyq medıtsına jáne ońaltý ortalyǵy;

- Sportty damytý dırektsııasy;

- Sportshylardyń dopıngke qarsy zerthanasy;

- Qysqy sport túrleri boıynsha olımpıadalyq daıarlaý ortalyǵy;

- Dene shynyqtyrý jáne sport boıynsha respýblıkalyq oqý-ádistemelik jáne taldaý ortalyǵy;

- Ulttyq jáne at sporty túrleri ortalyǵy;

- «Almaty» Olımpıadalyq daıarlaý ortalyǵy;

- «Astana» olımpıadalyq daıarlaý ortalyǵy;

- «Alataý» qysqy sport túrleri boıynsha respýblıkalyq joǵary sport sheberligi mektebi;

- Dene múmkindikteri shekteýli tulǵalarǵa arnalǵan sporttyq daıarlaý ortalyǵy;

- Dopıngke qarsy ulttyq ortalyq;

- «Olımp» sporttyq-saýyqtyrý ortalyǵy;

- «Qazsportınvest» AQ;

- Kúres túrleri boıynsha olımpıadalyq daıarlaý ortalyǵy.

Úkimet qaýlysynyń jobasy 18 qyrkúıekke deıin kópshilik talqylaýda bolady. Keıin qol qoıý úshin Premer-Mınıstrge joldanady.

Eske salaıyq, 1 qyrkúıekte Memleket basshysynyń Jarlyǵymen 5 jańa mınıstrlik quryldy.