Jańadan taǵaıyndalǵan Bas prokýror qyzmetine qatysty pikir bildirdi

NUR-SULTAN. QazAqparat – Jańadan taǵaıyndalǵan QR Bas prokýrory Berik Asylov óziniń qyzmetine qatysty pikir bildirdi, dep habarlaıdy QazAqparat tilshisi.

«Keshe Prezıdent Ákimshiliginen osy jaıynda habarlady. Búgin Parlamentte kelisý rásimi ótip, senatorlar daýys berdi. Osy oraıda senimi úshin depýtattarǵa alǵys aıtqym keledi.

Men únemi ashyq jumys isteımin», - dedi Berik Asylov Senatta tilshiler saýalyna jaýap bere otyryp.

Sonymen qatar ol jýrnalıstermen kez kelgen taqyrypty ashyq talqylaýǵa jáne buqaralyq aqparat quraldarymen ashyq jumys isteýge ýáde berdi.

Budan buryn habarlanǵandaı. Búgin Parlament Senaty QR Bas prokýrory laýazymyna Berik Asylovty taǵaıyndaýǵa kelisim berdi.

Konstıtýtsııaǵa sáıkes, Prezıdenttiń Qazaqstan Respýblıkasynyń Bas prokýroryn taǵaıyndaýyna kelisim berý Senattyń erekshe qaraýyna jatady. Memleket basshysy palataǵa tıisti usynym engizdi.