Jańadan taǵaıyndalǵan Ónerkásip jáne qurylys mınıstri ant berdi
ASTANA. KAZINFORM — Elimizdiń Ónerkásip jáne qurylys mınıstri qyzmetine kirisken Ersaıyn Naǵaspaev Úkimet úıinde ant qabyldady.
— Qazaqstan halqy men Prezıdenti aldynda óz Otanym — Qazaqstannyń ekonomıkalyq jáne rýhanı damý isine barlyq kúsh-jigerim men bilimimdi jumsaýǵa, memlekettiń Konstıtýtsııasy men zańdaryn qatań saqtaýǵa, ózimniń barlyq is áreketimde zańdylyq pen ádilettilik, azamattyq, ultaralyq jáne konfessııaaralyq tatýlyq prıntsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge saltanatty túrde ant etemin, — dedi Ersaıyn Naǵaspaev Úkimet otyrysynyń aldynda.
Aıta keteıik, 28 aqpanda Memleket basshysynyń Jarlyǵymen Ersaıyn Naǵaspaev Ónerkásip jáne qurylys mınıstri bolyp taǵaıyndaldy.
Burynǵy Ónerkásip jáne qurylys mınıstri Qanat Sharlapaev Prezıdenttiń ekonomıkalyq máseleler jónindegi kómekshisi bolyp taǵaıyndaldy.