Jańadan saılanǵan senatorlar turaqty komıtetter quramyna saılandy
ASTANA. 3 qyrkúıek. QazAqparat - Búgin spıker Qaırat Mámıdiń tóraǵalyq etýimen ótken Parlament Senatynyń jalpy otyrysynda jańadan saılanyp, qyzmetine kirisken senatorlar palatanyń turaqty komıtetteriniń quramyna saılandy.
Toqtala ketetin jaıt, Elbasynyń Jarlyǵyna sáıkes, jaqynda taǵaıyndalǵan 8 senator óz quqyqtaryn paıdalana otyryp, turaqty komıtetter quramyna saılanýǵa tilekterin bildirip, ótinish bergen. Soǵan sáıkes, depýtattar Birǵanym Áıtimova, Sergeı Gromov, Lázzat Qıynov, Georgıı Kım - Halyqaralyq qatynastar, qorǵanys jáne qaýipsizdik komıtetine, Dýlat Qusdáýletov - Konstıtýtsııalyq zańnama, sot júıesi jáne quqyq qorǵaý organdary komıtetine, Serik Nógerbekov - Qarjy jáne bıýdjet komıtetine, Nurlan Orazalın Áleýmettik-mádenı damý komıtetine saılandy.
Al Sergeı Kýlagın óz ótinishi boıynsha Tabıǵatty paıdalaný jáne aýyldyq aýmaqtardy damytý komıtetine aýysty.
