Jańadan saılanǵan depýtattar Úkimetten kelip túsken birqatar zań jobalaryn óndiriske aldy - Májilis
ASTANA. 1 aqpan. QazAqparat /Qanat Mámetqazyuly/ - Búgin Nurlan Nyǵmatýlınniń tóraǵalyǵymen ótken Parlament Májilisiniń jalpy otyrysynda jańadan saılanǵan depýtattyq korpýs Úkimetten kelip túsken birqatar zań jobalaryn óndiriske aldy
Birinshi sessııanyń birinshi otyrysynyń kún tártibine Májilistiń Bıýrosy Úkimet ázirlegen 12 zań jobasyn usynǵan bolatyn. Bul jobalar Májilistiń qaraýyna alynyp, tıisti komıtetter zań jobalaryna qorytyndy shyǵaratyn kúndi belgiledi. Atap aıtqanda, depýtattar «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Konstıtýtsııasynyń 78-babyn iske asyrý máseleleri boıynsha ózgerister men tolyqtyrýlar engizý týraly», «Jeke basty kýálandyratyn qujattar týraly», «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» zań jobalary, sondaı-aq Qazaqstan men RF Úkimetteri arasyndaǵy saýda ókildikterin ózara qurý týraly kelisim, şıfrlyq baılanys máseleleri jónindegi zań jobalary Májilistiń óndirisine alyndy.
Sonymen qatar, qalaýlylar bıliktiń basqa da tarmaqtaryndaǵy jaýapty organ basshylaryna baǵyttalǵan depýtattyq saýaldaryn jarııa etti.
Endi salalyq komıtetter atalǵan qujattardy jumys toptarynda talqylap, belgilengen merzim aralyǵynda tıisti qorytyndylaryn shyǵaratyn bolady.
