Jańadan salynatyn joldarda modıfıkatsııalanǵan bıtým qoldanyla bastaıdy

ASTANA. KAZINFORM — Jańadan salynatyn joldarda modıfıkatsııalanǵan bıtým qoldanyla bastaıdy. Bul týraly Úkimet otyrysynda Kólik mınıstri Nurlan Saýranbaev aıtty.

- Avtojol jobalaryn iske asyrý úshin elimizde negizgi qurylys materıaly bar. Bul qurylysty tolyq qamtamasyz etýge jáne jumys sapasyn arttyrýǵa múmkindik beredi. Inertti materıaldar shekteýli óńirlerde iri óndiris oryndarynyń tehnogendik mıneraldyq qaldyqtary paıdalanylady, - dedi ol.

Mınıstr joldyń sapasy bıtýmǵa tikeleı baılanysty bolǵandyqtan oǵan jeke toqtaldy.

- Birinshi - kólem. Otandyq óndirýshiler bıtýmmen tolyq qamtamasyz etedi. Ekinshi - sapa. Jol sapasyn kóterý úshin qurylysshylar munaı óńdeý zaýyttarymen birigip jańa standartqa kóshýdi usyndy. Endi jańa jobalarda modıfıkatsııalanǵan bıtýmdy qoldanamyz. Zaýyttar ulttyq standarttarǵa sáıkes bul ónimdi kezeń-kezeńimen óndirýge kóshedi. Aıta ketý kerek, Reseı Federatsııasy bul jumysty 2016 jyldan bastady, - dedi mınıstr.

Onyń málimetinshe, avtojoldardy damytý úshin birqatar ınfraqurylymdyq nysandardy salý kerek. Oǵan mynalar kiredi:

- mýltımodaldy logıstıkalyq habtar men zamanaýı ótkizý pýnktteri;

- jańa formattaǵy jol boıy servısteri;

- tsıfrlyq sheshimder.

- Bul baǵyttar boıynsha jumys istelinip jatyr. Mysaly, halyqaralyq ótkizý pýnktteriniń qurylysyn 2027 jyly tolyq bitiremiz, - dedi Nurlan Saýranbaev.

Aıta keteıik, Úkimet aldaǵy 3 jylda 32 myń shaqyrym óńir joldarynyń normatıvtik deńgeıin 95 paıyzǵa deıin kóterýdi josparlap otyr.