Jańadan qurylyp jatqan tergeý sotynda 6 adam jumys isteıdi - Almaty
ALMATY. QazAqparat - Almatyda jańadan qurylyp jatqan tergeý soty Orbıta shaǵyn aýdanynda ornalasatyn bolady. Bul týraly búgin Almaty óńirlik kommýnıkatsııalar qyzmetinde qalalyq sottyń tóraǵasy Nurǵazy Əbdiqanov aıtty, dep habarlaıdy QazAqparat tilshisi.
"Tergeý soty QR Prezıdentiniń jarlyǵymen quryldy. Qazir bul sottardy tolyqtyrý júrgizilip jatyr. Almaty aýdanaralyq mamandandyrylǵan tergeý sotynda 7 adam - 6 sýdıa men 1 sot tóraǵasy jumys isteıtin bolady. Tergeý soty Orbıta shaǵyn aýdanynda ornalasatyn bolady",- dedi qalalyq sot tóraǵasy Nurǵazy Əbdiqanov.
Sonymen qatar sot tóraǵasy sot júıesi salasynda júzege asyrylyp jatqan ózgerister týraly aıtty. Onyń aıtýynsha, Almatyda 18 sottyń 156 sot zaly aýdıo jáne beıne jazba júıelerimen tolyq jabdyqtalǵan.
Atap aıtqanda, "Sot kabıneti", "Tórelik", "Taldaý forýmy", "Ahýaldyq ortalyq", "Aýdıobeınebaqylaý" júıeleriniń arqasynda azamattardyń ýaqyty men qarjysyn únemdep, qaǵazbastylyqtan qutylý múmkin boldy.
Almaty qalalyq sotynyń qylmystyq ister boıynsha alqa tóraǵasy Baqytjan Qaramanov Elektrondy qylmystyq is jobasy tergeý ýaqytyn qysqartýǵa, materıaldardyń burmalanýyn azaıtýǵa múmkindik beretinin atady.
Osy ýaqytqa deıin elektrondy formatta 55 is túsip, onyń 5-eýi qaraldy.
