Jańadan qurylǵan eńbek qorǵaý qaýymdastyǵy óndiristegi jaraqat máselesine mán bermek
«Qazaqstan Respýblıkasynyń jáne Azııa elderiniń eńbek qorǵaý men tehnıka qaýipsizdigi qaýymdastyǵy 2016 jyldyń shilde aıynda ǵana quryldy. Qazirgi ýaqytta biz alǵashqy qadamdarymyzdy jasap, salada tıisti jumystarymyzdy atqarýǵa tyrysýdamyz. Búginde bizge múshelikke kirgen mekemeler sany 10-ǵa taıap qaldy. Atap aıtqanda, ózge de zańdy tulǵalar qaýymdastyqqa múshe bolýǵa nıet bildirýde. Bizdiń maqsatymyz - eńbek qorǵaý men tehnıka qaýipsizdigi salasyndaǵy mamandardy, sarapshylardy shoǵyrlandyryp, olardy saraptama boıynsha sertıfıkattaý»,-dedi atalǵan qaýymdastyq dırektory Nabıbýlla Dosbolov.
Onyń sózine qaraǵanda, qaýymdastyq óndiristerde zardap shekken adamdardyń máselesine aıryqsha mán bermek. Bul baǵyttaǵy aqparat tıisti deńgeıde ashyq bolmaı turǵan kórinedi. Osy rette aldaǵy ýaqytta ǵylymı-zertteý sharalaryn júrgizý qolǵa alynyp, biregeı aqparatty toptastyrý eskerilip otyr.
