Jańadan qurylatyn Mádenıet jáne aqparat mınıstrligi nemen aınalysady

ASTANA. QazAqparat – Jańadan qurylatyn Mádenıet jáne aqparat mınıstrliginiń qyzmet baǵyty men erejelerin bekitýdi kózdeıtin Úkimet qaýlysy ashyq talqyǵa shyǵaryldy, dep habarlaıdy QazAqparat tilshisi.

«Mádenıet jáne aqparat mınıstrligi mádenıet, tarıhı-mádenı mura obektilerin qorǵaý jáne paıdalaný, kınematografııa, memlekettik rámizder, arhıv isi jáne basqarýdy qujattamalyq qamtamasyz etý, elektrondyq qujat aınalymy jáne elektrondyq arhıvter, onomastıka, kreatıvti ındýstrııalar jáne shyǵarmashylyq qyzmet nátıjelerin kommertsııalandyrý, aqparat, memleket pen azamattyq qoǵamnyń ózara is-qımyly, dinı qyzmet, memlekettik jastar jáne otbasy saıasaty, qoǵamdyq sanany jańǵyrtý, qaıyrymdylyq, volonterlik qyzmet, medıatsııa, ishki saıası turaqtylyqty qamtamasyz etý, konfessııaaralyq jáne etnosaralyq kelisim, aqparatqa qol jetkizý salalaryndaǵy basshylyqty, sondaı-aq zańnamada kózdelgen shekterde salaaralyq úılestirýdi jáne memlekettik retteýdi júzege asyratyn Qazaqstan Respýblıkasynyń memlekettik organy sanalady», - delingen Úkimet qaýlysynda.

Qujatta kórsetilgendeı, mınıstrliktiń quramyna myna vedomstvolar enedi:

1. Azamattyq qoǵam isteri komıteti;

2. Aqparat komıteti;

3. Arhıv, qujattama jáne kitap isi komıteti;

4. Din isteri komıteti;

5. Jastar jáne otbasy isteri komıteti;

6. Mádenıet komıteti;

7. Etnosaralyq qatynastardy damytý komıteti.

Sonymen qatar qaýlyǵa saı, Mádenıet jáne aqparat mınıstrliginiń mindetteri aıqyndalǵan:

- mádenıet, sondaı-aq halyqaralyq mádenı baılanystar;

- tarıhı-mádenı mura obektilerin qorǵaý jáne paıdalaný;

- kınematografııa;

- memlekettik rámizder;

- arhıv isi jáne basqarýdy qujattamalyq qamtamasyz etý;

- elektrondyq qujat aınalymy men elektrondyq arhıvter, onyń ishinde taratylýy shektelgen qyzmettik aqparat jáne onymen jumys isteý;

- onomastıka;

- kreatıvti ındýstrııalar jáne shyǵarmashylyq qyzmet nátıjelerin kommertsııalandyrý;

- balalardy olardyń densaýlyǵyna jáne damýyna zııan keltiretin aqparattan qorǵaý;

- buqaralyq aqparat quraldary;

- dinı qyzmet;

- memlekettik jastar jáne otbasy saıasaty;

- qoǵamdyq sanany jańǵyrtý;

- qaıyrymdylyq;

- volonterlik qyzmet;

- ishki saıası turaqtylyqty, konfessııaaralyq jáne etnosaralyq kelisimdi qamtamasyz etý;

- memlekettiń, azamattyq qoǵamnyń jáne qoǵamdyq keńesterdiń ózara is-qımyly.

Mınıstrliktiń jáne oǵan baǵynysty vedomstvolardyń qaramaǵyna myna uıymdar kiredi:

- Qazaq áýenderi» AQ;

- «Qazaq gazetteri» JShS;

- Qazaq ulttyq horeografııa akademııasy;

- Qazaqstan Respýblıkasynyń Ulttyq mýzeıi;

- «Qazaqstan» respýblıkalyq teleradıokorporatsııasy» AQ;

- «Qazcontent» AQ;

- «Qazmedıa ortalyǵy» basqarýshy kompanııasy» JShS;

- «Habar» agenttigi» AQ;

- Sháken Aımanov atyndaǵy «Qazaqfılm» AQ.

Úkimet qaýlysynyń jobasy 18 qyrkúıekke deıin kópshilik talqylaýda bolady.

Eske salaıyq, 1 qyrkúıekte Memleket basshysynyń Jarlyǵymen 5 jańa mınıstrlik quryldy.