Jańadan qurylǵan Alataý qalasyna ákim taǵaıyndaldy
QONAEV. KAZINFORM — Alataý qalasynyń ákimi qyzmetine Arken Ótenov taǵaıyndaldy. Buǵan deıin ol Strategııalyq josparlaý jáne reformalar agenttigi tóraǵasynyń orynbasary qyzmetin atqarǵan.
Arken Ótenov 1983 jyly 15 qarashada Almaty qalasynda dúnıege kelgen.
Ol Ál-Farabı atyndaǵy Qazaq ulttyq ýnıversıteti jáne Karnegı Mellon ýnıversıtetinde (Bolashaq baǵdarlamasynyń túlegi, 2010 jyl) bilim alǵan.
Halyqaralyq qatynastar mamany, ekonomıst jáne memlekettik saıasat salasyndaǵy ǵylym magıstri, Prezıdenttiń jas talanttar pýlynyń múshesi.
Arken Ótenov elimizdiń bank sektorynda, sondaı-aq memlekettik organdarda túrli laýazymdarda, sonyń ishinde Qazaqstan Respýblıkasy Prezıdentiniń Ákimshiligi men Qazaqstan Respýblıkasy Qarjy mınıstrliginde, Syrtqy ister mınıstrliginde jumys atqarǵan.
