Janabylovtardan tárkilengen 8 Hyundai Elantra aýktsıonda satyldy
ASTANA. KAZINFORM — Sot úkimimen memleket kirisine tárkilengen blogerler Erbolat Janabylov pen Elmıra Tólegenovaǵa tıesili 8 Hyundai Elantra avtokóligi elektrondy saýda alańynda satyldy.
Avtokólikterdiń árqaısysy bastapqy baǵasymen ótkeni belgili boldy. Memlekettik múlik tiziliminiń elektrondy saýda alańyndaǵy málimetke sáıkes, 2025 jyly shyǵarylǵan segiz Hyundai Elantra avtokóligi boıynsha aýktsıon aıaqtaldy. Saýda nátıjesinde barlyq lot satyp alýshylaryn tapqan.
Kólikterdiń jeteýi 8 mln 395 myń teńgeden, al bireýi 8 mln 390 myń teńgeden satylǵan. Satylǵan avtokólikterdiń jalpy quny shamamen 67,2 mln teńgeni qurady. Avtokólikterdiń jańa ıeleri týraly aqparat ashyq jarııalanbady. Saýdaǵa tek quqyq qorǵaý jáne arnaıy memlekettik organdar, sondaı-aq memlekettik organdardyń qyzmetin qamtamasyz etetin uıymdar ǵana qatysa alǵan kórinedi.
Eske sala keteıik, 2025 jyly 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovanyń áreketi Qazaqstan Týrızm jáne sport mınıstrligi nazaryna ilikken bolatyn.
2025 jyldyń 16 qazanynda bloger Janabylovtarǵa qatysty qylmystyq is qozǵaldy.
Prokýror bloger Janabylov pen áıelin 4 jylǵa sottaýdy surady.
Al 27 sáýirde Astana qylmystyq soty erli-zaıypty blogerler Erbolat Janabylov pen Elmıra Tólegenovaǵa qatysty úkim shyǵardy.
