Janabylovtar isi: blogerler raqymshylyqqa ilikpeıdi
ASTANA. KAZINFORM – Blogerler Erbolat Janabylov pen Elmıra Tólegenova raqymshylyqqa ilikpeıdi. Bul týraly Іshki ister mınıstriniń orynbasary Sanjar Ádilov málim etti.
- Blogerler raqymshylyqqa ilikpeıdi, ıaǵnı olarǵa qatysty qylmystyq isten bosatý jáne jaza merzimin qysqartý jeńildikteri qoldanylmaıdy. Bul baptarǵa raqymshylyq normalary taralmaıdy, - dedi Sanjar Ádilov Senattyń jalpy otyrysynan keıin tilshiler suraǵyna jaýap bere otyryp.
Aıta keteıik, 2025 jyly 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovanyń áreketi Qazaqstan Týrızm jáne sport mınıstrligi nazaryna ilikken bolatyn.
2025 jyldyń 16 qazanynda bloger Janabylovtarǵa qatysty qylmystyq is qozǵaldy.
2026 jyly 13 naýryzda Janabylovtar isi sotqa joldandy.
Al 27 sáýirde Astana qylmystyq soty erli-zaıypty blogerler Erbolat Janabylov pen Elmıra Tólegenovaǵa qatysty úkim shyǵardy.
Sot E. Janabylovqa 2 jyl shartty túrde bas bostandyǵynan aıyrý jazasyn taǵaıyndap, probatsııalyq baqylaý belgiledi. Sondaı-aq, onyń múlki tárkilenedi. E. Tólegenovaǵa sot 2 jyl bas bostandyǵynan aıyrý jazasyn taǵaıyndap, jazany eń tómengi qaýipsizdik mekemesinde óteýdi jáne múlkin tárkileýdi belgiledi. Sonymen qatar, onyń kámeletke tolmaǵan úsh balasynyń bolýyna baılanysty jazany óteý 2 jylǵa keıinge qaldyryldy.
