Jańabek Jetirýovtyń «Aqqyz» fılmi Tallındegi kınofestıvalǵa qatysady
ALMATY. 25 qazan. QazAqparat /Názıra Eleýhan/ - Sháken Aımanov atyndaǵy «Qazaqfılm» AQ shyǵarǵan, rejısser Jańabek Jetirýovtyń «Aqqyz» fılmi mereıtoılyq XV-shi «Qarańǵy tún» kınofestıvaliniń negizgi konkýrstyq baǵdarlamasyna qatysady.
Atalmysh festıval Shyǵys Eýropada eń iri festıvalderdiń biri bolyp sanalady. Esterińizge sala ketsek, bul mádenı is-shara Tallınn qalasynda qarashanyń 16 men 30 aralyǵynda ótedi.
Festıval negizgi baǵdarlamadan, birneshe kishi festıvalderden, medıa jáne kınoóndirisi naryǵynan quralǵan. Fılmniń rejısseri Jańabek Jetirýov óziniń osymen ekinshi tolyqmetrajdy jumysyn festıval kórermenderine ózi tanystyrǵaly otyr. Esterińizge sala ketsek, Jetirýovtyń «Dúnıejaryq» atty alǵashqy kartınasy kóptegen halyqaralyq baıqaýlarda júldeli oryndardan kóringen bolatyn.
