Jańaarqalyqtar Astana qalasynyń ataýyn ózgertýdi qoldaıdy
«Biz Qaraǵandy oblysy Jańaarqa aýdany, Taldybulaq mekeniniń «Eskene» sharýa qojalyǵy ujymy Táýelsiz elimizdiń tuńǵysh Prezıdenti, Ult Kóshbasshysy degen qurmetti ataqqa ıe bolǵan, kemel de kemeńger saıasatker Elbasymyz Nursultan Nazarbaevtyń Prezıdent retindegi ókilettigin toqtatatyny jóninde habardy qımastyqpen, ókinishpen qabyl aldyq»,-dedi ujym ókilderi.
Olardyń pikirinshe, Nursultan Ábishuly basqarǵan 30 jyl ishinde jetken jetistikterimiz kóz aldymyzda. Prezıdentimizdiń sarabdal salıqaly saıasatynyń arqasynda qazaq eli álem kartasynan oıyp turyp óz ornyn aldy. Beıbitshilik pen tatýlyqty, ymyrashyldyqty tý etip ustanǵan Qazaqstan eli kóp memleket úshin úlgi bola bildi.
«1998 jyly Astana qalasynda ótken agrarlyq keńes otyrysynda Elbasymen alǵashqy ret júzdestik. Aýyl sharýashylyǵy máselesine, aýyl adamdaryna asa iltıpatpen, zor nazarmen qarap, sanamyzda ózindik iz qaldyrdy. Elbasymen júzdesý baqyty buıyrǵan árbir adam sol kezdesýdiń áserinen kópke deıin aryla almaıtyny shyndyq.
Ult kóshbasshysy qashanda agrarlyq salany qoldap, osy salany damytý maqsatynda biraz sharýa atqardy. Elbasy qoldaýynyń arqasynda 2000 jyly sharýalardy qoldaý baǵdarlamasy boıynsha neseıe alyp, Qostanaıdan 110 bas áýlıekól asyl tuqymdy iri qara mal basyn alyp «Eskene» sharýa qojalyǵyn ashtym. Qazirgi tańda 18 adamdy jumyspen qamtyp otyrmyn»,-dedi qojalyq basshysy.
Onyń pikirinshe, Nursultan Ábishulynyń kóregen saıasatynyń arqasynda búginde elimizde qaı salada bolmasyn óz isin ashamyn degen adamǵa barlyq múmkindikter jasap otyr.
«Búgingi kúni Astana qalasyn Nur-Sultan dep Tuńǵysh Prezıdentimizdiń atyn berý týraly sheshimdi biz, sharýa qojalyǵy ujymy bir aýyzdan qoldaımyz. Bul laıyqty sheshim»,-deıdi «Eskene» sharýa qojalyǵynyń ıesi Ábıirhan Tóleýov.
