Jańaarqalyq dıqan jergilikti halyqty qarbyzben qamtamasyz etip otyr
JAŃAARQA. QazAqparat – Jańaarqa aýdanynyń turǵyny Serjan Túsipbekov jergilikti halyqty tátti jıdektermen qamtamasyz etip, qarbyz ósiredi, dep habarlaıdy QazAqparat tilshisi.
Qarbyz ósirý ıdeıasyn kópbalaly áke Serjan Túsipbekov burynnan oılastyrǵan.
Ol baqsha sharýashylyǵy taqyrybyn jan-jaqty zerttegenin aıtady.
«Jyl basynda Serjan Túsipbekov aýdan basshysy ıÝrjan Bekqojınnen kómek suraǵan. Kásipker qarbyz ósirý josparyn usynyp, oǵan jer bólýdi surady. Jer máseleleri jónindegi komıssııanyń sheshimimen oǵan 2 gektar jer bólindi», - dep málimdedi Jańaarqa aýdany ákiminiń baspasóz qyzmeti.
Jerdi alǵannan keıin dıqan ony dereý óńdep, qarbyz otyrǵyzdy.
Kásipkerge búkil týystary kómektesedi.
Bolashaqta agrarıı egis alańyn ulǵaıtyp, odan da kóp jıdek ósirýge nıetti.
