Jańaarqada jazýshy Aqseleý Seıdimbekke eskertkish qoıyldy
Bıyl Aqseleý Seıdimbektiń 80 jyldyq mereıtoıy. Osyǵan oraı, búgin Jańaarqa aýdanynda birtýar tulǵany ulyqtaýǵa arnalǵan birqatar shara uıymdastyrylyp, oǵan jazýshynyń týystary men elimizge belgili zııaly qaýym ókilderi qatysty.
«Eskertkishti ashý rásimin oblys ákimi Berik Ábdiǵalıuly, Aqseleý Seıdimbektiń baýyry Ámze Seıdimbek, aqyn Ǵalym Jaılybaı men tarıhshy Qoıshyǵara Salǵarın oryndady. Sharada zııaly qaýym ókilderi quttyqtaý sóz sóılep, alash ardaqtysy týraly estelikterimen bólisti», - dep jetkizdi Ulytaý oblysy ákimdiginiń baspasóz qyzmetinen.
Buryn habarlaǵanymyzdaı, Aqseleý Seıdimbektiń 80 jyldyǵyna oraı, Almaty men Shymkentte respýblıkalyq aqyndar aıtysy men kúı baıqaýy ótedi . Sonymen qatar, mereıtoı qarsańynda elorda kósheleriniń birine kórnekti jazýshynyń esimi berildi .
