Jańaarqada atyp óltirilgen er adamnyń máıiti tabyldy
JAŃAARQA. QazAqparat - Qaraǵandy oblysynyń Jańaarqa aýdany Atasý kentinde atyp óltirilgen er adamnyń denesi tabyldy, dep habarlaıdy QazAqparat tilshisi.
Búgin tabylǵan máıittiń 59 jastaǵy kent turǵyny ekeni anyqtaldy.
Atalǵan derekke qatysty Qylmystyq kodekstiń 99-baby 1-tarmaǵyna («Adam óltirý») sáıkes qylmystyq is qozǵaldy.
«Qylmysty ashý, kúdikti azamattardy ustaý maqsatynda departamenttiń jáne Jańaarqa aýdandyq polıtsııa bóliminiń tájirıbeli qyzmetkerlerinen jedel tergeý toby jasaqtalyp, qylmystyń izin kesý boıynsha keshendi is-sharalar atqarylýda. Tergeý barysy oblystyq polıtsııa jáne prokýratýra basshylyǵynyń baqylaýynda», - delingen taratylǵan habarlamada.
Ózge aqparattar QR QPK-niń 201-babyna sáıkes jarııalanbaıdy.
