Jańaarqa kentinde jyljymaly ekpe pýnkti jumys isteı bastady
JAŃAARQA. KazAqparat – Jańaarqa kenti men oǵan jaqyn aýyldardyń turǵyndary jyljymaly pýnktte koronavırýstyq ınfektsııaǵa qarsy ekpe ala alady. Jyljymaly medıtsınalyq keshen Mádenıet úıiniń aldynda ornalasqan, dep habarlaıdy QazAqparat tilshisi.
«Eldegi jáne bizdiń óńirdegi epıdemıologııalyq jaǵdaı ońaı emes. Barlyq shekteýlerge qaramastan, adamdar juqtyrýdy jalǵastyrýda. Al bul qaýipti aýrýdyń odan ári taralýyn toqtatýdyń jalǵyz joly – jappaı vaktsınatsııa. Jańaarqada 08: 00–den 20: 00-ge deıin jumys isteıtin statsıonarlyq ekpe pýnkti bar. Sonymen qatar, ár eldi mekende vaktsınany alýǵa bolatyn otbasylyq-dárigerlik ambýlatorııalar bar», – dep atap ótti Jańaarqa aýdanynyń ákimdiginde.
3 tamyzdaǵy málimet boıynsha, Qaraǵandy oblysynda birinshi komponentpen 392 445 adam egildi, 276 294 turǵyn vaktsınanyń ekinshi dozasyn aldy.
