Jańaarqa aýdanynda mahabbat pen adaldyqty beıneleıtin eskertkish ashyldy
Qazaqstan tarıhynda sezimderi mahabbattyń sımvolyna aınalǵan juptar az emes. Solardyń biri – Balýan Sholaq pen Ǵalııa Tileýqyzy. Ǵashyqtardyń sezimderinen týǵan ánder búgin de el aýzynda.
Ǵalııanyń kishi inisi Tóleýtaı Muqataı óziniń ápkesine shynaıy mahabbattyń sımvolyn bildiretin eskertkish qoıýǵa sheshim qabyldap, ony salýǵa óz qarajatynan mıllıon teńge bólgen. Áıgili sulýdyń shet elderde turatyn týystary da bul ıdeıany qoldap, qarjylaı kómektern kórsetken.Qurylysy 2019 jyldyń mamyr aıynda bastalǵan eskertkishtiń jalpy quny 4 mıllıon 200 myń teńgeni qurady.
«Búgin biz Jańaarqanyń qasıetti jerinde taǵy bir eskertkish ashamyz. Bul – «Ǵalııa» ániniń keıipkeri Ǵalııa Tileýqyzynyń eskertkishi. Qazaqstannyń Tuńǵysh Prezıdenti Nursultan Nazarbaev óziniń «Bolashaqqa baǵdar: rýhanı jańǵyrý» atty maqalasynda: «Ár óńirde esimderi el esinde qalatyn erekshe týmalary bar. Munyń bárin jas urpaq bilýi kerek» degen bolatyn. Búgingi is-sh ara – Elbasynyń sózi júzege asyrylyp jatqanynyń jarqyn kórinisi.
Eskertkish «Rýhanı jańǵyrý» baǵdarlamasy aıasynda salynyp, bizdiń ólkemizdiń sulýlyǵyn arttyra tústi. Ǵalııany dáriptegen urpaqtaryna úlken alǵysymdy bildirgim keledi», - dedi Jańaarqa aýdany ákiminiń orynbasary Qanat Qojyqaev.
Ǵalııa Jańaarqa aýdanyndaǵy Qalybek rýynan Aqmolda Tileý esimdi baıdyń birinshi áıelinen týǵan. Jastaıynan ol Birjanmen atastyrylǵan. Jastar ýaqyty kelgende bas qosady. Biraq juptary jaraspaı, olar ajyrasyp ketedi. Sonan soń Ǵalııa Qaraótkelde qymyzben aınalysyp, biraz ýaqyttan soń Balýan Sholaqpen tanysady.
Osylaısha olardyń mahabbat tarıhy bastaldy. Ǵashyqtar úılený týraly sheshim qabyldaıdy. Biraq Balýanǵa jala jaýyp, ol túrmege túsedi.
Ǵalııa men onyń súıiktisi birge bola almady. Jas jigit óziniń barlyq ystyq sezimderin súıiktisine arnap ánder jazý arqyly bildiredi.
Eskertkishtiń ashylý rásiminde Jańaarqa ónerpazdary ol ánderdiń barlyǵyn oryndady.
