Jańaarqa aýdanynda 12 kópbalaly otbasy qonys toıyn toılady

QARAǴANDY. QazAqparat – Jańaarqa aýdanynda 12 kópbalaly otbasy baspanaly boldy. «Jańaarqa nur» shaǵyn aýdanynda eki páterli úıler «Nurly jer» memlekettik baǵdarlamasy boıynsha salyndy. Ony salý kezinde Jańaarqanyń ózinde óndirilgen qurylys materıaldar paıdalanyldy, dep habarlaıdy QazAqparat tilshisi.

Aýdan ákimi ıÝrjan Bekqojın jańa qonystanýshylarǵa kiltterdi tabystap, jaıly turý úshin úıler tolyq jabdyqtalǵanyn atap ótti.

«Kópbalaly otbasylardy baspanaımen qamtamasyz etý – negizgi mindetterimizdiń biri. Sodan beri kóp balaly otbasylar úshin jeke kezek quryldy. Úsh jyldyń ishinde bizdiń aýdanda osyndaı 70 otbasy jańa úılerdiń kiltterin aldy. Jyl basynan beri 39 turǵyn úı berildi. Biz qonys ıelerin el Táýelsizdiginiń 30 jyldyǵymen jáne kele jatqan Jańa jylmen quttyqtaımyz. Olarǵa jańa úıde baqyt pen amandyq tileımin!» – dep quttyqtady jańa qonys ıelerin ıÝrjan Bekqojın.

Gúlim Uǵzınova da jańa jyldy jańa úıde qarsy alýǵa daıyndalyp jatyr. Kelinshek turǵyn úı kezegin eki jyl kútken. Ol bes bala tárbıelep otyr.

«Jańa jyldy óz úıimde qarsy alatynymyzǵa óte qýanyshtymyn. Balalarym baqytty. Bizge úı unaıdy, óte keń jáne jyly», – deıdi kópbalaly ana.

Táýelsizdik jyldarynda Jańaarqa aýdanynda 80 úı – 31 kópqabatty jáne 49 bir qabatty úı salyndy.

Búgingi kúni aýdanda baspana kezeginde 840 adam tur, onyń 132-si - «kópbalaly» sanaty boıynsha.