Jańaarqa aýdany turǵyndaryna 3 myń doza vaktsına jetkizildi
QARAǴANDY. QazAqparat – Qaraǵandy oblysynyń Jańaarqa aýdanynda turǵyndardy jappaı vaktsınatsııalaý bastaldy. Alǵashqylardyń biri bolyp koronavırýsqa qarsy ekpeni aýdan ákimi aldy, dep habarlaıdy QazAqparat tilshisi.
Keshe, 14 sáýirde Jańaarqa aýdanynda halyqty koronavırýsqa qarsy egý bastaldy. Birinshi bolyp ákim ıÝrjan Bekqojın, aýdannyń bas memlekettik sanıtarlyq dárigeri Aıjan Musabekova jáne t. b. ekpe aldy.
Jańaarqa aýdanyna 3 myń doza «Spýtnık V» vaktsınasy jetkizildi. Barlyq turǵyndar vaktsınatsııadan óte alady.
Vaktsınatsııalaý pýnkti Jańaarqa kenti, S.Seıfýllın dańǵyly, 63 mekenjaıy boıynsha ornalasqan. Egý kabıneti kún saıyn 08:00-den 20:00-ge deıin jumys isteıdi (demalyssyz).
