Jańa jylǵa shyrshalardy zańsyz keskender anyqtaldy
ASTANA. QazAqparat - Іshki ister mınıstrligi men ormandy qorǵaý organdary birlesip júrgizgen sharalardyń nátıjesinde jańa jyl qarsańynda qylqan japyraqty aǵashtardy zańsyz kesý faktileri anyqtaldy, dep habarlaıdy QazAqparat.
«Іs-sharalardyń nátıjesi boıynsha jańa jylǵy shyrshalardy zańsyz kesýdiń 19 faktisi , 3 - zańsyz tasymaldaý jáne 26 - zańsyz satý faktileri anyqtaldy. Osy oraıda 28 sotqa deıingi tergep-tekserýler bastaldy. 80 quqyq buzýshy ÁQBtK-niń 204-baby boıynsha shyrshalardy belgilenbegen jerlerde qujatsyz satqany úshin ákimshilik jaýapkershilikke tartyldy», - dep atap ótilgen QR ІІM málimetinde.
Aıta keteıik, aǵashtardy zańsyz shabý, daıyndaý, tasymaldaý jáne satýdy anyqtaýǵa, sondaı-aq bundaı áreketterdiń jolyn kesýge baǵyttalǵan profılaktıkalyq is-sharasy ótkizildi. Bul baǵyttaǵy jumystar aıasynda 209 dana shyrsha tárkilendi. Jalpy, keltirilgen zııan somasy 1,3 mln.teńgeden asady.
Shyǵys Qazaqstan oblysynyń Semeı qalasynda jol-patrýldik polıtsııa qyzmetkerleri «Vaz-2107» kóligin toqtatyp teksergen kezde, onyń ishinde bolǵan jergilikti 5 azamat 4 dana qylqan japyraqty aǵashtyń óskinderin tıisti qujatsyz zańsyz tasymaldaǵanyn anyqtady. Osy fakti boıynsha QR QK-niń 340-baby (aǵashtar men butalardy zańsyz shabý) boıynsha sotqa deıingi tergep-tekserý júrgizilýde.
Budan bólek, Aqmola oblysy ІІD Jergilikti polıtsııa qyzmetiniń qyzmetkerleri «Býrabaı Shep» beketinde Kókshetaý qalasy turǵynynyń basqarýyndaǵy «Mersedes» kóligin toqtatyp, teksergen kezinde eshkandaı tıisti qujatsyz 60 dana shyrshany Kókshetaý qalasynan Stepnogorsk qalasyna zańsyz tasymaldaý faktisin anyqtady.
«Qabyldanǵan sharalardyń nátıjesi boıynsha qylqan japyraqty aǵash tuqymdarynyń óskinderin jappaı zańsyz kesý, daıyndaý, tasymaldaý jáne satý faktilerine jol berilgen joq»,-delingen vedomstvo habarlamasynda.
Sonymen qatar eldi mekenderde Reseıden ákelingen jańa jylǵy shyrshalardy qujatsyz, belgilenbegen jerlerde satýǵa tyıym salynýyn baqylaý boıynsha tekserister júrgizildi.
