«Jańa jylǵa 4 mıllıon, Táýelsizdikke aqsha joq» - respýblıkalyq basylymdarǵa sholý
ASTANA. Jeltoqsannyń 15-i. / QazAqparat/ Qazaq aqparat agenttigi respýblıkalyq basylymdarda jeltoqsannyń 15-i, seısenbi kúni shyqqan ózekti materıaldarǵa sholýdy usynady.
Jeltoqsannyń 12-si, senbi kúni Aqordada Qazaqstan Respýblıkasynyń Prezıdenti Nursultan Nazarbaev Astanaǵa jumys babyndaǵy saparmen kelgen Qytaı Halyq Respýblıkasynyń Tóraǵasy Hý Tszıntaomen kezdesti. Keńeıtilgen quramda ótken kelissóz barysynda taraptar ekijaqty yntymaqtastyqty talqylap, ekonomıkanyń shıkizattyq emes sektorlaryndaǵy ózara is-qımyl máselelerine erekshe nazar aýdardy. Tolyǵyraq «Egemen Qazaqstan» basylymynyń búgingi sanyndaǵy «Іzgi dostyq, ózara senimdilik, shynaıy áriptestik» degen taqyryptaǵy maqalaǵa nazar aýdaryńyz.
Osy taqyryptaǵy maqalany «Aıqyn» gazetiniń búgingi sanynan da oqı alasyzdar.
«Kez kelgen halyqtyń, memlekettiń tarıhynda eshqashan umytýǵa bolmaıtyn qaharmandyq erlikter men qaıǵyly oqıǵalar kóptep sanalady. Qazaqstannyń memlekettik táýelsizdik kúni - bul qazaq halqynyń elimizdiń azattyǵy men táýelsizdigi jolyndaǵy sanǵasyrlyq kúresinde 1991 jylǵy jeltoqsanda qol jetkizgen Uly jeńis kúni. Bizdiń mıllıondaǵan baýyrlarymyz óz ómirlerin, óz bastaryn osy jeńistiń qurbandyǵy etti. Sondyqtan da osynaý Uly jeńis kúni - eń basty merekemiz bolýmen qatar, halqymyzdyń qaharmandyq betteri sekildi kóptegen jappaı saıası qýǵyn-súrgin men qasiretterin qamtyp, óz boıyna jınaqtaıtyn Qasiret jáne Eske alý kúni de». Osylaı dep tolǵaǵan «Azattyq azapkerleri» atty maqala táýelsizdik jolynda qurban bolǵandardyń ómirine arnalypty.
***
«Qazaqstan Qytaıǵa jer satpaıdy!». Osyndaı taqyryppen «Aıqyn» basylymynyń búgingi sanynda jaryq kórgen maqala Qytaıǵa jer satylmaıtyndyǵyn málimdegen. «Qytaıǵa jer satylmaıdy!» el úkimetiniń úzildi-kesildi sózi osy! Bul sheshimin Premer Kárim Másimov keshe Úkimet úıinde ótken agroónerkásiptik keshendi damytý máseleri jónindegi respýblıkalyq keńeste jarııa etti»,-deıdi basylym.
«Túrikmenstan - Ózbekstan - Qazaqstan - Qytaı» gaz qubyrynyń iske qosylýyna qatysý úshin Qazaqstan Prezıdenti Túrikmenstanǵa keldi. Ashǵabatqa at basyn tiregen ol aldymen Túrkimenstan Prezıdenti Qurbanquly Berdimuhamedovpen shaǵyn quramda kelissózder ótkizdi. Tolyǵyraq «Aıqyn» gazetiniń búgingi sanyndaǵy «Ǵasyr jobasy júzege asty» degen taqyryptaǵy maqaladan oqı alasyzdar.
Bul taqyrypty «Egemen Qazaqstan» gazeti de qamtyǵan.
***
«Táýelsizdik uǵymy ulttyq entsıklopedııada memlekettiń óz saıasatyn óz erkimen júrgizýge qabilettiligi retinde anyqtalady. Álemdegi 2500-den asa halyqtyń 220-ǵa jýyǵynyń ǵana táýelsizdigi bar. Sondyqtan túsine bilgen adamǵa Táýelsiz memleket - kez kelgen halyqtyń qoly jete bermeıtin eń qasıetti qundylyq», - dep jazǵan «Astana aqshamy» basylymynyń búgingi sanyndaǵy tarıh ǵylymdarynyń kandıdaty Quralaı Sársembınanyń maqalasy «Táýelsizdik fılosofııasy» degen taqyryppen berilipti.
«Ǵabıden Mustafınniń Alashqa qatysy bar ma?». Osyndaı saýalǵa qurylǵan atalmysh basylymdaǵy kelesi maqala XX ǵasyrdyń ádebıet alyptary sanatyndaǵy Ǵabıden Mustafınniń óz bolmysyndaı syrbaz, kesek taqyrypty tilge tıek etipti.
***
«Jańa jylǵa 4 mıllıon, Táýelsizdikke aqsha joq». «Alash aınasy» basylymynyń búgingi sanyndaǵy basty maqala osylaı atalady. Almaty alańyn qanǵa boıaǵan qasiretti oqıǵamen ornaǵan Táýelsizdigimizdiń tól merekesin Jańa jyldyń daqpyrty tumshalap jatqanyn basylymdaǵy Esenbek Bazarquldyń maqalasynan oqı alasyzdar.
«Astanada Abaı eskertkishi Báıterekten keıingi qasterli dúnıemiz bolyp asqaqtap turýy kerek». Aqyn, «Altyn tamyr» jýrnalynyń bas redaktory Nesipbek Aıtuly gazettiń «Dat» aıdarynda osyndaı oı aıtady. Aqynmen bolǵan suhbatta qazaqtyń basyna tóngen qasiret asharshylyq jaǵdaıy, Qytaı jerindegi joıylyp ketýdiń az-aq aldynda turǵan qazaqtardyń jaǵdaıy sóz bolady.
Sondaı-aq «Alash aınasy» Gazetiniń Órkenıet betinen qazaq aýyz ádebıetiniń jaýhary «Qyz Jibek» jyrynyń búgingi kúnge qalaı jetkeni jaıly oqı alasyzdar.
