Jańa jyldyń eń qajetsiz syılyqtary qandaı
ASTANA. QazAqparat - Internet saýda salasyndaǵy jetekshi kompanııalardyń biri - eBay platformasy qajetsiz syılyqtardyń ondyǵyn jarııalady. Ulybrıtanııada ondaı zattar qaıta satylymǵa jıi shyǵarylady, dep habarlaıdy QazAqparat tilshisi.
Jyl saıyn 29 jeltoqsanda brıtandyqtar ózderine unamaǵan syılyqtardy jelige shyǵaryp, jańa jyldyń aldynda satyp jiberýge tyrysady. eBay esebine sáıkes, ondaı syılyqtardyń sany 80 mln-ǵa jetti. Al qajetsiz syılyqtardyń jalpy sommasy 1 mlrd dollardy qurap otyr. Osy sanattaǵy zattardyń ondyǵy da jasaldy.
Osylaısha, eń qajetsiz syılyqtardyń tiziminde Blu-ray men DVD-dıskiler birinshi orynda tur. Odan keıin vazalar men shamdar sııaqty ınterer zattary, qural-saımandar, smartfondar, jıhaz, áıelderdiń sómkeleri, turmystyq tehnıka, erler men áıelderdiń aıaq kıimderi keledi. Eń sońǵy orynda - parfıýmerııa.
