Jańa jyldyń alǵashqy kúni aýa raıy qandaı bolady
ASTANA. QazAqparat - Sınoptıkter 2019 jyldyń 1 qańtaryndaǵy aýa raıyna boljam jasady, dep habarlaıdy QazAqparat.
Qazgıdromettiń málimetinshe, seısenbi kúni Qazaqstannyń basym aýmaǵynda aýa raıy qubylmaly bolady, osyǵan baılanysty jaýyn-shashyn túsedi, tek soltústik-batys jáne soltústikte kún raıy ashyq bolady. Elimizdiń keı aımaqtarynda kóktaıǵaq, tuman kútiledi, jel kúsheıedi.
Jambyl, Túrkistan oblystarynda keı jerlerde tuman, kóktaıǵaq bolady, kúndiz jel 15-20 m/s kúsheıedi.
Almaty, Jambyl, Qyzylorda, Mańǵystaý, Atyraý, Batys Qazaqstan oblystarynyń keı jerlerinde tuman, kóktaıǵaq kútiledi.
Aqmola, Qostanaı, Soltústik Qazaqstan oblystarynda, túnde Aqtóbe, Pavlodar, Qaraǵandy oblystarynyń keı jerlerinde tuman kútiledi.
Túnde Shyǵys Qazaqstan oblysynda jel 15-20 m/s kúsheıedi.
