Jańa jyldyq syılyqtar úshin qazaqstandyqtar ortasha eseppen 17450 teńge jumsaýǵa daıyn
ALMATY. QazAqparat - Aldaǵy jańa jyldyq mereke syılyqtaryn satyp alý úshin qazaqstandyqtar ortasha eseppen 17450 teńge jumsaýǵa daıyn. Bul «Kompetenz» SK aqparattyq-saraptamalyq ortalyǵy júrgizgen saýalnama kezinde anyqtaldy.
Onyń sarapshylary, sonymen birge, Astana men Almaty qalasynyń turǵyndary ózderiniń týǵan-týystary men dostaryna ne syılaıtynyn anyqtady. Saýalnamaǵa qatysqandardyń kóbi (24%) turmystyq tehnıka men zamanaýı gadjetterdi syılaýdy josparlap otyr, 14%-y - balalar oıynshyǵyn, 12%-y - kondıterlik ónimder men kámpıtter, 10%-y - parfıýmerııalyq jáne kosmetıkalyq zattardy, 7%-y - syılyq sertıfıkattaryn, 3%-y - áshekeı jáne baǵaly zattar, 1%-y - týrıstik joldamalardy syıǵa tartpaq. . Al árbir tórtinshi adamnyń múlde syılyq alyp, ony syıǵa tartý oıy joq. Al qatysýshylardyń 6%-y syılyqtardy óz qoldarymen jasaıdy.
Bul zertteýge Almaty men Astananyń 18-den 65 jasqa deıingi turǵyndary qatysty. Saýalnama qatysýshylarynan olar osy jyly jańa jyldyq syılyqtardy alýdy josparlap otyrǵan somany kórsetý qajettigi suraldy.
