Jańa jyldyq otshashý qorshaǵan ortaǵa zııan ba
ALMATY. QazAqparat – Jańa jyldyq otshashý qorshaǵan ortaǵa zııan keltirmeıdi. Bul týraly búgin Almaty TJD ótkizgen brıfıng barysynda «Qazsalıýt» JShS bas menedjeri Nurlan Qazbekov aıtty, dep habarlaıdy QazAqparat tilshisi.
«Qorshaǵan ortaǵa qandaı áser etýi múmkin? Pırrotehnıkalyq buıymdar – hımııa jáne onyń quramynda belsendi hımııalyq elementter bar. Alaıda, olardyń kólemi qaýipsiz. Otshashý bolǵanda paıda bolatyn kók tús – mys, aq tús – strontsıı. Olar aýaǵa atylǵanda túgel janyp ketedi de, qorshaǵan ortaǵa zııan keltirmeıdi. Eń bastysy pırotehnıkalyq buıymdar durys joıylǵany abzal», - dedi Qazbekov Nurlan.
Mamannyń aıtýynsha, paıdalanylǵan pırotehnıkalyq buıymdardy atqan soń shashyp qaldyryp ketpeı, olardy durys joıý kerek.
«Bul buıymdar Almaty oblysyndaǵy Qapshaǵaı qalasynda ornalasqan arnaıy polıgonda joıylady. Olardy joıýmen «Qazaqjarylysóndirisi» kompanııasy aınalysady», - dedi Nurlan Qazbekov.
