Jańa jyldyq mereke kúnderi TJM qurylymdary kúsheıtilgen tártipte qyzmet atqarady

Bul týraly búgin Astanada ótken baspasóz máslıhatynda QR TJM Órtke qarsy qyzmet komıtetiniń memlekettik órt qaýipsizdigin qadaǵalaý jáne anyqtaý basqarmasynyń bastyǵy Marat Hasenov málim etti.

«Mereke kúnderi Tótenshe jaǵdaılar mınıstrliginiń barlyq bólimsheleri, onyń ishinde memlekettik órtke qarsy qyzmeti kúsheıtilgen tártipte jumys isteıdi. Qoldanysqa qosymsha tehnıka engiziledi, sondaı-aq kezekshilikke shyǵatyn jeke quramnyń sany artady»,-dedi basqarma bastyǵy.

Sonymen qatar baspasóz máslıhatynda málim bolǵanyndaı 31 jeltoqsanǵa deıingi aralyqta orta eseppen alǵanda respýblıka boıynsha aýa-raıy mınýs 30 gradýsqa deıin salqyndaıdy, al aýa-temperatýrasy kúndiz mınýs 20-25 gradýs aralyǵynda bolady.