Jańa jyldy travmatologııa pýnktinde qarsy almas úshin ne isteý kerek

NUR-SULTAN. QazAqparat - Jańa jyldyq merekelerge daıyndyq kezinde jurt keıde gırlıandalar men petardalardy ornatý kezinde qaýipsizdik sharalary týraly umytyp ketedi, bul jaraqat pen kúıikke ákelýi múmkin. Elordalyq dárigerler qala turǵyndaryna jańa jylda densaýlyǵyna baılanysty keleńsizdikterden saqtaný jóninde aqyl-keńes berdi, dep habarlaıdy QazAqparattyń ákimdiktiń resmı saıtyna silteme jasap.

«Kóbine ata-analar daıyndyqpen aınalysyp jatqanda, balalar ystyq ydysqa, peshke nemese shamǵa jáne t.b. kúıip qalyp jatady. Turmystyq kúıikterge ártúrli kremder men maılardy qoldanýǵa bolmaıdy. Ádettegideı sýyq zatty (muz) jáne mindetti medıtsınalyq tekserýdi qoldanyńyz. Aýrýhana mereke kúnderi kúsheıtilgen rejımde jumys isteıdi, táýlik boıy kúnniń kez kelgen ýaqytynda júginýge bolady», - deıdi №2 kópbeıindi qalalyq balalar aýrýhanasynyń shuǵyl hırýrgııa qabyldaý bóliminiń meńgerýshisi Baımahan Sadýov.

Mamandardyń aıtýynsha, qalalyq aýrýhanalardyń qabyldaý bólimshelerine kóbinese qysqy oıyn-saýyq kezinde jaraqat alǵandar júginip jatady.

Kóbine bul - kógerýler, synyq alý, syrǵanaý, konkı, tıýbıng nemese shanamen syrǵanaý jaraqattary.

«Munda da qaýipsizdik erejelerin saqtaý kerek. Balalaryńyz ben óz qaltańyzda ótkir zattardyń joqtyǵyn tekserińiz. Balalardy syrǵanaqtyń tómengi jaǵynan kútip alǵan durys. Jaraqat alǵan jaǵdaıda, siz óz betińizben áreket etpeýińiz kerek, óıtkeni bul jaǵdaıdy ýshyqtyrýy múmkin. Jaraqat pýnktine birden júgingen jón», - deıdi elordalyq travmatolog dárigerler.

Pırotehnıkany jaǵý kezinde oryn alatyn jazataıym oqıǵalar da sırek emes. Tómende mamandar dárigerler kelgenge deıin medıtsınalyq kómek kórsetý týraly birneshe usynys berdi.

Pırotehnıkalyq quraldardyń jarylýy nátıjesinde kózdiń shyryshty qabyǵyna bógde bólshekter túsken kezde:

- úıde jazataıym oqıǵa bolǵan jaǵdaıda kózińizdi bólme temperatýrasyndaǵy qaınaǵan sýmen shaıyńyz jáne zardap shekken tusqa tańǵysh qoıyńyz;

- kóshede jazataıym oqıǵa bolǵan jaǵdaıda ımprovızatsııalanǵan quraldardan (sharf, qol oramal jáne t.b.) kóz tańǵyshyn jasańyz nemese bas kıimmen, sharfpen kózińizdi jabýǵa bolady.
Teriniń termııalyq kúıigi kezinde bólshekter terige túsedi:

- úıde jazataıym oqıǵa bolǵan jaǵdaıda terini sýmen shaıyńyz jáne qurǵaq aseptıkalyq tańǵyshty jaǵyńyz;

- kóshede jazataıym oqıǵa bolǵan jaǵdaıda zaqymdalǵan terige qolda bar zattardan (taza qol oramal nemese taza mata) tańǵysh tańý qajet.

Jaqpa maılardy qoldanýǵa, terini alkogolmen, odekolonmen, parfıýmerııamen súrtýge jáne maqtany qoldanýǵa bolmaıdy.