Jańa jyldy Qazaqstanda qarsy alýǵa 23 myńnan astam týrıst keldi

ASTANA. QazAqparat – 23 myńnan astam týrıst jańa jyldy Qazaqstanda qarsy aldy, dep habarlaıdy QazAqparat tilshisi «Kazakh Tourism» ulttyq kompanııasynyń baspasóz qyzmetine silteme jasap.

EQonaq aqparattyq-taldaý júıesiniń málimeti boıynsha elimizde jańa jyl merekesin atap ótýge 23 myńnan astam týrıst kelgen.

Bul - 2022 jylǵy 26 jeltoqsan men 2023 jyldyń 4 qańtary aralyǵyn qamtıtyn esep.

Týrısterdiń jartysyna jýyǵy (9 myń) Almatyǵa jáne 5,1 myńy Astanaǵa keldi.

«Bir qyzyǵy, jańa jyldy qarsy alýǵa kelgender tańdaǵan TOP-5 óńirdiń ishinde Aqtóbe, Pavlodar jáne SQO bar. ıAǵnı, sýyq óńirler», - deıdi ulttyq kompanııadan.

Sondaı-aq, habarlamada Qazaqstanǵa saıahattaýshylardyń deni Reseıden kelgeni (15 myń adam) aıtylǵan.

Odan bólek, Ózbekstan, Úndistan, QHR, Túrkııa, Germanııa jáne Ulybrıtanııadan kelgen meımandar bar.

Eseke salsaq, 2021 jyldan bastap elimizde týrısterge arnalǵan eQonaq aqparattyq júıesi iske qosylǵan edi.

Maqsat – ishki jáne syrtqy týrısterdiń aǵynyn esepke alyp, ol boıynsha taldaý jasaý, sonymen qatar saıahatshylar men demalýshylardyń kóshin-qon qarqynyn baqylaý.