Jańa jyldy qarsy alý úshin Astanadan myńdaǵan jolaýshy shetelge attandy
ASTANA. QazAqparat - Jańa jyldy qarsy alý úshin Astanadan myńdaǵan jolaýshy shetelge attandy, dep habarlaıdy QazAqparat.
«Jańa jyl merekesi kezeńinde (2016 jyldyń 30 jeltoqsany men 2017 jyldyń 3 qańtary) Astana áýejaıy 45 myń jolaýshyǵa qyzmet kórsetti. Jolaýshylardyń eń kóp sanyna - 30 jeltoqsan kúni shamamen 13 myń adamǵa jáne 3 qańtar kúni shamamen 12 myń adamǵa qyzmet kórsetildi. 30 jeltoqsanda Astanadan 7500 jolaýshy ushyp ketti, onyń 70 paıyzy ishki baǵyttar, 30 paıyzy halyqaralyq baǵyttar boıynsha attandy. 31 jeltoqsanda 4600 jolaýshynyń 3500-i ishki baǵyt, 1100-i halyqaralyq baǵyt boıynsha ushty. Al 1 qańtarda elordadan 2345 adam jolǵa shyqsa, sonyń tek 530-ǵa halyqaralyq baǵytta ushyp ketti», - dep habarlady QazAqparat tilshisine elorda áýejaıynyń baspasóz qyzmetinen.
Aıta keterligi, ótken jyly 2015 jyldyń 31 jeltoqsanynda ótken jyldyń jeltoqsanyna qaraǵanda Astana áýejaıynan 2 ese kóp jolaýshy, naqty aıtqanda, shamamen 9500 adam ushqan bolatyn. Onyń ishinde jolaýshylardyń shamamen 65 paıyzy elordadan basqa jaqqa ushyp ketse, 35 paıyzy Astanaǵa jańa jyldy qarsy alý úshin kelgen edi.
Sondaı-aq ótken jyldyń 29 jeltoqsannan bıylǵy jyldyń 3 qańtar aralyǵynda jarty mıllıonnan astam jolaýshy tasymaldandy. Onyń 92 myńy Astanaǵa tıesili. Al 30 myńnan astam jolaýshy jańa 2017 jyldy poıyzda qarsy aldy.
