Jańa jyldan bastap Qostanaıda avtobýs jolaqysy qymbattaıdy
QOSTANAI. QazAqparat - 2023 jyldyń qańtarynan bastap Qostanaıda qoǵamdyq kóliktiń tarıfi kóteriledi, dep habarlaıdy QazAqparat tilshisi qalalyq TKSh bólimine silteme jasap.
Vedomstvo Ádilet mınıstrligi tarıfti kóterý týraly qaýly tirkegenin habarlady.
«2023 jyldyń 1 qańtarynan bastap banktik aýdarym arqyly avtobýspen júrý quny 100 teńgeni quraıdy. Qolma-qol aqshamen tóleý -170 teńge. Qala mańyndaǵy marshrýttarda jol júrý quny proportsıonaldy túrde ósedi. Sonymen qatar, 2023 jyldyń 1 qańtarynan bastap qala mańyndaǵy barlyq baǵytta saralanǵan tarıf jumys isteı bastaıdy», - dep habarlady qalalyq turǵyn úı-kommýnaldyq sharýashylyq bólimi.
Qala mańyndaǵy avtobýstarda tólem bylaı jasalady: banktik aýdarym arqyly – belgilengen 80 teńgege 1 km úshin 5 teńge qosylýy kerek.
«Máselen, Tobylǵa deıin 2 shaqyrym, jalpy somasy - 90 teńge. Tólem qolma-qol jasalsa, 1 km - 10 teńge turady. Alynǵan somany 150 teńgege jáne qalaǵan eldi mekenge jol júrý aqysyna qosý kerek: Tobylǵa – 170 teńge, Zarechnyıǵa – 190 teńge. Dál osyndaı shema qala mańyndaǵy barlyq baǵyttarǵa qatysty bolady», - dep túsindirdi bólim qyzmetkerleri.
Sonymen qatar, Qostanaıda 2017 jyldan beri qoǵamdyq kóliktegi jolaqy óspegeni de aıtyldy.
