Jańa jyldan bastap Eýroodaqqa tóraǵalyq etý Ispanııaǵa kóshti

Lıssabon kelisimi kúshine enýimen baılanysty ınstıtýtsıonaldyq jańa engizýler oryn aldy, atap aıtqanda, Eýroodaq prezıdenti jáne syrtqy ister mınıstri saılandy. Endi prezıdent Herman van Rompeı sammıtterdi basqaratyn bolady, al tóraǵa-el (alty aı boıy - Ispanııa) EO mınıstrler keńesi otyrystaryna basshylyq etedi.

Munyń aldynda Eýropalyq parlament tóraǵasy Ejı Býzek ıspan úkimetine tabystar tilegen quttyqtaýyn joldady. «Ispanııa Eýropalyq odaq úshin mańyzdy kezde tóraǵalyq etetin bolady, onyń tóraǵalyǵy jańa Sharttyń kúshine enýi sátine oraılas kelip otyr. Men Hose Lýıs Rodrıges Salateroǵa jáne onyń úkimetine osy mańyzdy mıssııasyn oryndaýda zor tabystar tileımin», - dedi ol.

Eýroodaq bazalyq shartyna sáıkes Ispanııa Eýroodaq ınstıtýttary men múshe-memleketter arasyndaǵy ózara is-qımyldyń jańa modelin jasaýy tıis ekeni atap ótildi.