Jańa jyldan bastap eńbek qabiletin joǵaltqandarǵa beriletin áleýmettik tólemder mólsheri arttyrylady
ASTANA. 27 jeltoqsan. QazAqparat - Úkimet Memlekettik áleýmettik saqtandyrý qorynan eńbek qabiletin joǵaltý jáne asyraýshysynan aıyrylý jaǵdaılaryna taǵaıyndalǵan áleýmettik tólemderdiń mólsherin 2014 jylǵy 1 qańtardan bastap jeti paıyzǵa arttyrý týraly qaýly etti.
Qazaqstan Respýblıkasy Úkimetiniń qaýlysy
«Mindetti áleýmettik saqtandyrý týraly» 2003 jylǵy 25 sáýirdegi Qazaqstan Respýblıkasynyń Zańy 8-1-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi:
1. «2014 jylǵy 1 qańtarǵa áleýmettik tólemderdi alýshylar bolyp tabylatyn adamdarǵa Memlekettik áleýmettik saqtandyrý qorynan eńbek qabiletin joǵaltý jáne asyraýshysynan aıyrylý jaǵdaılaryna taǵaıyndalǵan áleýmettik tólemderdiń mólsherin 2014 jylǵy 1 qańtardan bastap jeti paıyzǵa arttyrý júrgizilsin.
2. Osy qaýly 2014 jylǵy 1 qańtardan qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
