Jańa jylda jolda qalyp qoıýdan qoryqpańyz: Kezekshilikke 300 tehnıka shyǵady
ASTANA. QazAqparat - Mereke kúnderi respýblıkalyq mańyzy bar joldarda kezekshilikke 300 tehnıka shyǵady, dep habarlaıdy QazAqparat «QazAvtoJoldyń» baspasóz qyzmetine silteme jasap
Búgin QR IDM Avtokólik joldary komıtetiniń jol qyzmeti jáne «QazAvtoJol» UK» AQ-men birlesken selektorlyq otyrys bolyp ótti.
«QazAvtoJol» UK» AQ ókili Tólegen Abdýllınniń aıtýyna qaraǵanda, Jańa jyl merekesinde táýlik boıy 300 tehnıka toqtaýsyz jumys isteıtin bolady. Mereke kúnderi 423 myń lıtr mólsherinde benzın men 1 113 tonna dızeldik otyn daıyndalǵan.
«Qazgıdromet» RMK boljamyna sáıkes, jańa jyl keshinde qar jaýmaıdy, aıaz túsedi. Batysta aýa temperatýrasy 10-15 keı jerlerde 20 gradýs, soltústik aýmaqtarda 20-25 keı jerlerde 28, shyǵysynda 20-25 keı jerlerde 30 gradýs, ońtústikte - 5-10 keı jerlerde 15-20 gradýsqa deıin aıaz kútiledi.
Jalpy, Qazaqstanda 2017-2018 jyldar úshin 130 myń kýbometr qum men 13 tonna tuz daıyndalyp qoıǵan. Joldardyń boıynda 194 óndiristik baza, 106 qazandyq, 139 jylyný pýnkti men 84 qoıma bar. Qys mezgilindegi joldarda týyndaıtyn máselelerdi sheshý úshin bıyl 1300 tehnıka daıyndalǵan.
Júrgizýshiler men jolaýshylar respýblıkalyq mańyzy bar joldar týraly shuǵyl aqparttardy qalalyq +7 7172 444 777 jáne mobıldik +7 771 7444 777 (WhatsApp) nómiri arqyly bile alady.
