Jańa jylda jalǵyz baspanasynan aıyrylǵan aqtóbelikke bir jolǵy kómek beriledi
AQTÓBE. QazAqparat - Aqtóbede jańa jyl túni úı órtenip, otbasy dalada qaldy. Qalalyq jumyspen qamtý jáne áleýmettik baǵdarlamalar bólimi bul januıaǵa bir jolǵy kómek beredi, dep habarlaıdy QazAqparat tilshisi.
"Bizge úıi órtengen otbasy keldi. Olarda órt bolǵany týraly anyqtama joq. Aldymen anyqtamany qaı mekemeden alatyny jóninde aqparat berildi. Biz bir jolǵy kómek retinde 100 myń teńge bere alamyz. Kómek komıssııa sheshimi shyqqan soń beriledi", - dedi qalalyq jumyspen qamtý men áleýmettik baǵdarlamalar bóliminiń basshysy Maqpal Turmaǵambetova.
Eske salsaq, Aqtóbe qalasyndaǵy saıajaılardyń birinde 31 jeltoqsannan 1 qańtarǵa qaraǵan túni úı órtendi. Jalǵyz baspanasynan aıyrylǵan 7 jan qazir týma-týystarynyń úıin jaǵalap júr.
