Jańa jylda Ystambul kóshelerinde Aıaz Ata bolyp kıingen polıtseıler shyǵady
ASTANA. QazAqparat - Jańa jyldda Túrkııanyń ekonomıkalyq aýdany - Ystambulda qaýipsizdikti túrik Aıaz atasynyń «týysy» Noel Baba bolyp kıgen polıtseıler qamtamasyz etedi.
«Hıýrrıet» gazetiniń habarlaýynsha, 5 myńǵa tarta osylaısha kıingen polıtseıler aldaǵy túnde adamdar kóptep jınalatyn jerlerde, ásirese, Istıklıal dańǵylynda, Taksım alańynda tártipti baqylaıdy. Basqa polıtseıler kıim tazalaýshy jáne kóshe satýshylary sııaqty kıinedi.
Ystambuldaǵy qaýipsizdikti 15 myń polıtseı qadaǵalaıdy. Oǵan qosa, patrýldik mashınalar, beınekameralar kómekke keledi. Qajet bolǵan jaǵdaıda qaýipti dep sanalatyn oramdardy da polıtseıler jasaǵy torýyldaıdy.
Túrkııa bıligi keshe Ankarada qaýipsizdik basqarmasynyń qyzmetkerleri eki jańkeshti-lańkestikke kúdiktiler ustalǵannan keıin alańdaýly, olar jańa jyl túninde jarylys jasamaq bolǵan. Tergeý oryndarynyń aqparatynsha, olar Túrkııaǵa Sırııadan kelgen jáne Ankarada lańkestik akti jasaýǵa qolaıly jer izdegen. Aldyn ala paıymdaýlarǵa qaraǵanda olar Ankaranyń ortalyǵyndaǵy Qyzylaı alańynda ózderin jaryp jibermek bolǵan, dep jazady TASS.
