Jańa jylda Túrkistan oblysynda 59 sábı dúnıege keldi
TÚRKІSTAN. QazAqparat – Túrkistan oblysynda jeltoqsannyń 31-inen qańtardyń 1-ine qaraǵan túni 59 sábı dúnıe esigin ashty. Jańa jylmen tuspa-tus týǵandardyń 38-i ul bala bolsa, 21-i qyz bala, dep habarlaıdy QazAqparat tilshisi.
Búginde barlyq analar men nárestelerdiń jaǵdaıy dárigerler baqylaýynda. Al, Túrkistan qalasyndaǵy №3 oblystyq perınataldyq ortalyǵynda bes ul dúnıege kelgen. Jalpy óńir elimizde týý men tabıǵı ósim kórsetkishteri boıynsha kósh bastap tur.
Sondaı-aq, arystyq dárigerler júkti áıeldi jedel járdem kóliginde bosandyryp aldy. 31 jeltoqsan kúni Arys qalalyq jedel járdem beketine Montaıtas aýyldyq okrýgininen júkti áıeldiń tolǵaǵy qysqany týraly habarlanǵan.
Dárigerler onyń jaǵdaıyn qarap, Arys qalasyndaǵy perzenthanaǵa aparýǵa sheshim qabyldaǵan. Alaıda Aqtas eldimekeniniń tusynda jedel járdem kóliginiń ishindegi áıeldiń tolǵaǵy jıilegen. Arys qalasynyń №35 brıgada feldsherleri Z.Almataev pen N.Jaqsylyq, A.Álimbaevtar ony aman-esen bosandyryp alǵan. Artynsha jańadan bosanǵan ana men onyń nárestesi qalalyq perzenthanaǵa jetkizildi. Dárigerdiń aıtýyngsha, ana men jańa týǵan náresteniń jaǵdaıy qanaǵattanarlyq.
