«Jańa jylda qymbatshylyqqa jol berilmeıdi!..» - respýblıkalyq basylymdarǵa sholý

***

«Egemen Qazaqstan» basylymynyń búgingi sanynda Qazaqstan men Belarýs yntymaqtastyǵyna arnalǵan «Qos tarapty yqpaldastyq kórinisi» atty maqala jaryq kórdi. Maqalada Mınskide jumys saparymen júr­gen Par­lament Senatynyń Tóraǵasy Qasym-Jomart Toqaevtiń belarýstik áriptesteri - Ulttyq Jınalystyń Respýblıkalyq Ke­­ńe­siniń tóraǵasy Anatolıı Rýbınovpen, Ulttyq Jına­lys­tyń Ókil­der palatasynyń tóraǵasy Vladımır Andreıchenkomen kezdesýinde talqylanǵan máseleler baıandalǵan. «Júzdesýshiler ekijaqty qa­ty­­nastardy, onyń ishinde parlamentaralyq deńgeıdegi únqa­ty­­sý­lardy odan ári damytý máseleleri boıynsha pikir almasty. Q.Toqaevtyń pikirinshe, «Qa­zaq­stan men Belarýs parlamentteri arasyndaǵy qarqyndy baı­la­nystardy damytýǵa EýrAzEQ, TMD PAA, UQShU PA sekildi parlamenttik qyz­met­testik qury­lymdar aıasyn­da­ǵy yntymaq­tastyq yqpal ete­tin bolady»,-dep jazady basylym.

Sonymen qatar «Egemen Qazaqstan» gazetiniń osy sanynda «Báseke bar jerde sapa bar» atty kólemdi materıal basyldy. Maqala avtory ótken senbide «Kórme» saýda-kórme kesheninde ótken «Qazaqstannyń úzdik taýary» respýblıkalyq kórme-konkýrsy jaıynda sóz órbitedi. «Qazaqstannyń úzdik taýary» atty kórme-konkýrstyń basty maqsaty - otandyq ká­sip­oryndar men uıymdar ónim­deri­niń sapasyn arttyryp, onyń qyzmetin ózektendirý, Qazaqstan rynogyn joǵary sapaly jáne básekege qabiletti ónimmen to­lyq­tyrýǵa jaǵdaı jasaý, sony­men qatar, sapa ıdeıalaryn kópshi­likke taratý. Kórme-konkýrsqa osy jyldyń tamyz-qyrkúıek aı­la­rynda óńirlerde ótken bıznes ókilderi arasyndaǵy saıys­tar­dyń 145 jeńimpaz kásiporny qatysty. Atalmysh kásiporyn­dar­dyń tek respýblıkalyq deń­geıde emes, sonymen birge Keden odaǵy rynogyna shyǵýǵa da mol múmkindikteri bar», - delingen maqalada.

«Aıqyn» gazetiniń seısenbilik sanynda «Áýe kóliginiń áleýeti artady» degen taqyryppen maqala jarııalandy. Maqalaǵa keshe, 20 jeltoqsanda Parlamentte ótken «Úkimet saǵatynda»Kólik jáne kommýnıkatsııa mınıstri Á.Qusaıynovtyń baıandamasynda aıtylǵan dúnıeler arqaý bolǵan. Basylymnyń jazýynsha, Á.Qusaıynov Qazaqstan tarapy qabyldaǵan sharalardyń arqasynda taıaýda Eýrokomıssııanyń Ushýlar qaýipsizdigi komıtetiniń elimizdiń toǵyz áýe kompanııasyna Eýropa aspanyn «ashqanyn» málim etken.

«Osylaısha, qazaqstandyq «Aeroprakt KZ», «Búrkit-ZK», «ІJT Aviation», «Navıgator», «Fenıks», «APLK», «Sálem», «Sky Service», «Tıan-Shan» áýekásiporyndary batysqa sapar jasaýǵa múmkindik aldy. ... EýroOdaqtyń 27 múshe-eliniń delegattary Qazaqstan bıliginiń avıatsııa salasyna qatysty esebin oń baǵalap, saıası bedel-abyroıy asqaqtap kele jatqan jas memlekettiń toǵyz birdeı iri áýekompanııasyn «qara tizimnen» shyǵarý týraly biraýyzdan sheshim qabyldaǵan. Olarǵa qatysty EO baǵytynda ushýǵa shekteýler alynyp tastaldy», - delingen maqalada.

«Alash aınasy» gazetiniń búgingi nómirinde «Jańa jylda qymbatshylyqqa jol berilmeıdi!..» degen taqyryppen maqala basyldy. «Jańa jyl meıramyn toılar aldynda azyq-túliktiń, onyń ishinde jemis-jıdek baǵasynyń sharyqtap shyǵatyny belgili. Máselen, qazir bazarda qııar men qyzanaqtyń bir kelisi 250-350 teńgeniń aınalasynda bolsa, keler jylǵa aıaq basqan sátte olardyń baǵasy 800-den 1200 teńgege deıin áýelep kete barady. Degenmen osy joly bul jattandy qubylysqa tusaý salynbaqshy. Naqtyraq aıtqanda, elimizdegi Básekelestikti qorǵaý agenttiginiń sózine sensek, Jańa jyl merekesi qarsańynda bazardaǵy baǵa esh ózgermeıdi», - delingen maqalada.

Gazettiń jazýynsha, QR Básekelestikti qorǵaý agenttigi jergilikti atqarýshy organdarǵa saýda ortalyqtarynyń, taýar óndirýshilerdiń basshylarymen jáne kóterme saýda deldaldarymen kezdesip, mereke aldyndaǵy saýda barysyna qatań mán berip, jónsiz qymbatshylyqqa jol bermeýge tapsyrma bergen.

«Qazahstanskaıa pravda» basylymynyń búgingi sanynda QR Memlekettik hatshysy-Syrtqy ister mınıstri Qanat Saýdabaev pen AQSh Memlekettik hatshysynyń Ońtústik jáne Ortalyq Azııa isteri boıynsha orynbasary Robert Bleıkpen telefon arqyly sóıleskenin jazady. Jalpy alǵanda áńgime barysynda taraptar ekijaqty qarym-qatynastyń qarqynyna qanaǵattanatyndyqtaryn atap ótip, yntymaqtastyq damýdy odan saıyn nyǵaıta túsý qajettigine toqtalǵan. Aǵymdaǵy jyly sáýirde Prezıdent N. Nazarbaevtyń Vashıngtonǵa, al jeltoqsanda AQSh Memlekettik hatshysy H. Klıntonnyń Astanaǵa sapary ótkendigi belgili. Osyǵan oraı, eki el lıderleriniń kezdesýleri barysynda qol jetkizilgen kelisimderdi is júzinde júzege asyrý qajettiligi sóz bolyp, bundaı kelisimderdiń qazaqstan-amerıkan strategııalyq áriptestiginiń damýyna tyń serpin beretindigine den qoıylǵan.