Jańa jylda balaǵa syılyq tańdaǵanda qandaı máselege nazar aýdarǵan durys
Vedomstvonyń baspasóz qyzmetinen habarlaǵandaı, jańajyldyq syılyqty dúken, sýpermarket, bólshek jáne kóterme saýda bazary sekildi uıymdastyrylǵan saýda oryndarynan alý qajet.
«Syılyqty satyp alarda eń aldymen onyń mazmunyna nazar aýdarý qajet. Jańa jyldyq syılyqtarda tez buzylatyn ónimder bolmaý kerek. Táttilerdiń quramynda dám men hosh ıisti kúsheıtkishter, konservanttar (E200, E202, E210, E249), sıntetıkalyq boıaǵyshtar, tabıǵı sekildi hosh ıistendirgishter, gıdrlengen maılar men toń maılar, sondaı-aq tabıǵı kofe bolmaýy kerek. Tabıǵı boıaǵyshtar men hosh ıistendirgishter quramyna ruqsat etiledi. Ár syılyqta ónim týraly memlekettik jáne orys tilinde aqparatty qamtıtyn anyq, ońaı oqylatyn belgi (zatbelgi) bolýy kerek», - delinedi vedomstvo habarlamasynda.
Kondıterlik ónim tańbasynda mynadaı aqparat bolýy tıis:
ónimniń ataýy;
daıyndaýshynyń óz aýmaǵynda tutynýshylardan shaǵym qabyldaýǵa ýákiletti daıyndaýshynyń ataýy jáne ornalasqan jeri (bar bolsa);
netto salmaǵy;
daıyndaýshynyń taýar belgisi (bar bolsa);
ónimniń quramy;
taǵamdyq qundylyǵy;
saqtaý sharttary;
jaramdylyq merzimi nemese saqtaý merzimi (karamel úshin jáne draje);
ónim jasalǵan jáne sáıkestendirilýi múmkin qujattyń belgilenýi;
sáıkestikti rastaý týraly aqparat.
Jańajyldyq tátti syılyqty tańdaǵanda qaptamanyń beriktigine nazar aýdarý kerek.
Mazmuny, kámpıtter men basqa da táttiler syrtqy áserlerden jaqsy qorǵalýy kerek, qaptama myqtap jabylýy kerek, myjylǵan nemese deformatsııalanbaǵan bolýy tıis.
Kondıterlik ónimderdi tońazytqyshta nemese qaptamada kórsetilgen temperatýra rejımi bar bólmede saqtaý kerek.
«Eger jumsaq oıynshyq syılaǵyńyz kelse, bul oıynshyqta qatty nemese ótkir bógde zattar bolmaýy kerek. Jumsaq toltyrylǵan oıynshyqtyń tigisteri berik bolýy kerek. Sonymen qatar, tańbalaý tutynýshy qaptamasyna nemese oıynshyqpen birge júretin tósemge jazylýy kerek.
Tańbalaý anyq, jaqsy kórinetin, óshirilmeıtin bolýy tıis jáne onda: oıynshyqtyń ataýy men jas ereksheligi, daıyndaýshy kásiporynnyń ataýy, onyń mekenjaıy, jasalǵan kúni, qaýipsiz paıdalaný jónindegi eskertý jazbalary bolýy tıis.
Úsh jasqa deıingi balalarǵa arnalǵan oıynshyqtardy daıyndaý úshin shyny men túkti materıaldardy qoldanýǵa jol berilmeıdi.
Oıynshyqtarda quramynda tez tutanatyn materıaldar, qatty nemese ótkir zattary bar toltyrǵysh materıaldardy (shege, ıne, metall jońqalar, shyny synyqtary jáne t. b.) qoldanýǵa jol berilmeıdi.
Oıynshyqtardyń pishini durys, beti tegis, ótkir, kesetin jıekteri, buralýy jáne oıyqtary bolmaýy kerek»,- dep habarlady qalalyq sanıtarııalyq-epıdemıologııalyq baqylaý departamenti.
