Jańa jylda asa abaı bolyńyz! - TJM
ASTANA. 23 jeltoqsan. QazAqparat - Jyl basynan beri respýblıka boıynsha 131 adam ıis tıip ýlandy. Bul týraly búgin QR Tótenshe jaǵdaılar mınıstrliginiń resmı ókili Rýslan Imanqulov málim etti.
Onyń aıtýynsha, bıyl bir myńnan astam órt oqıǵasy oryn aldy. «Sonyń basym bóligi adamnyń kesirinen bolǵan. Negizi, órttiń keńinen taralýyna halyqtyń kesh habar berýi sebep bolyp jatady. Sondyqtan ondaı jaǵdaıda, eń aldymen, órt sóndirý qyzmetine habarlasyp, sodan baryp tilsiz jaýmen kúresip kórgen jón. Ásirese, Jańa jyl sııaqty merekelik kúnderi asa abaı bolý qajet. Sebebi dál sol kezde órt oqıǵalary jıilep, onyń sany 82-85 paıyzǵa artyp otyrady», - deıdi R.Imanqulov.
