Jańa jyl túninde Qazaqstanda aıaz bolady
ASTANA. QazAqparat - Qazgıdromet 2018 jyldyń 29 jeltoqsanynan 2019 jyldyń 2 qańtaryna deıingi aýa raıy boljamyn jarııalady, dep habarlaıdy QazAqparat.
Aldaǵy eki kúnde Qazaqstan aýmaǵynan ótetin aýa aǵyndaryna baılanysty soltústik, ortalyq jáne shyǵys oblystarǵa qar jaýady, boran soǵyp, aýa temperatýrasy kóteriledi.
Biraq 31 jeltoqsanda kún qaıta sýytyp, Jańa jyl túninde aýa temperatýrasy mınýs 25-30 gradýsqa, keı jerlerde mınýs 33-38 gradýsqa deıin tómendeýi múmkin. Respýblıka shyǵysynda 2 qańtar kúni keı jerlerde 40°S aıaz bolady.
Ońtústik jáne ońtústik-shyǵys oblystarda da qar jaýyp, kóktaıǵaq bolady. Jańa jyl mekeresinde aýa temperatýrasy mınýs 3-8, keı jerlerde 15-20°S aıaz bolady.
Batys óńirlerde Jańa jyl túninde qar aralas jańbyr jaýyp, tuman túsedi, aýa temperatýrasy jyldyq ortasha klımattyq mejege jýyq bolady.
