Jańa jyl túninde aýrýhanaǵa aparatyn joldardyń reıtıngisi jarııalandy
ALMATY. QazAqparat - Jańa jyl toılaýdyń arty qandaı aýrýǵa ushyratady? Qazaqstan saqtandyrý kompanııasynyń taldaýshylary jańa jyl túninde aýrýhanaǵa aparatyn joldardyń reıtıngisin jarııalady, dep habarlaıdy QazAqparat tilshisi.
Zertteý nátıjesine sáıkes, Jańa jyl meıramynda jedel járdem qyzmetin shaqyrtýshylardyń qatary kúrt ósedi. Reıtıngtiń kóshin sýyq tıip aýyratyndar bastap tur.
Jańa jyl keshinde saqtandyrý jasaǵan adamdardyń 38%-y sýyq tıip medıtsınalyq kómekke júginedi eken.
Sonymen qatar 14-19% kórsetkishpen jaraqat alǵandar ekinshi orynda tur. Jaraqat túri jaı ǵana soqqydan bastap súıek synyǵyna deıin bar.
Odan keıingi orynda asqazan ishek joldarynyń aýyrýy ornalasqan. Adamdar jańa jyl keshindegi dastarhan mázirinen zardap shegedi eken. Meıramdy toılaý kezinde araqtan nemese astan ýlanatyn adamdarǵa da shuǵyl kómek qajet bolady.
Reıtıngtiń besinshi ornynda allergııalyq aýrýlar tur. Kóbinese shokolad, arahıs, balyq, mandarın sııaqty taǵam túrleri balalardyń allergııasyn qozdyrady.
Sonymen qatar tabıǵı shyrsha aǵashynyń qabyǵyndaǵy zeń balalardyń ǵana emes úlkenderdiń de jaǵdaıyn nasharlatýy múmkin.
Jańa jyl keshinde, sondaı-aq, pırotehnıkalyq ónimderden kúıik shalyp keletinderdiń qatary kóbeıedi. Sebebi, bazarda satylyp jatqan ónimderdiń basym kópshiligi sertıfıkattalmaǵan ári qaýipsizdik sharttaryna saı emes.
