Jańa jyl túninde Astanada 20 sábı dúnıe esigin ashty
ASTANA. 1 qańtar. QazAqparat - Astanada Jańa jyl merekesi túninde dúnıege 20 náreste keldi.
Bul týraly QazAqparat tilshisine elordanyń perzenthanalarynan málim etti.
Astananyń perınataldyq ortalyǵynda bul túni úsh shaqalaq ómirge keldi: úsh ul jáne eki qyz. Bul rette, perzenthananyń akýsheri barlyq bólimsheler bosanýshy áıelderge lyq toly ekendigin málim etti. «Bizde bebı-bým, perzenthana tolyq», - dedi ol.
Astananyń №1 qalalyq perzenthanasynda bes náreste dúnıege keldi: úsh qyz jáne eki ul. Al Astananyń №3 perzenthanasynda segiz bala ómirge keldi: bes ul jáne úsh qyz.
Sondaı-aq «Ana men bala ulttyq ǵylym ortalyǵy» AQ-da bir ul bala men bir qyzdyń analary bosandy.
