Jańa jyl túninde Almatyda 101 náreste dúnıe esigin ashty
ALMATY. QazAqparat - Almaty perzenthanalary Jańa jyl túninde toqtaýsyz eńbek etti, dep habarlaıdy QazAqparat tilshisi.
Dárigerlerdiń aıtýynsha, 100 otbasy Jańa jyldy perzenthanada qarsy aldy.
«31 jeltoqsannan 1 qańtarǵa qaraǵan túni Almatyda 101 bala dúnıe esigin ashty. Onyń 53-i ul, 48-i qyz bala», - dedi Almaty qalalyq Densaýlyq saqtaý basqarmasynan.
Dárigerlerdiń aıtýynsha, almatylyqtar bıyl Jańa jyldy qarsy alýda qaýipsizdik máselelerine mán bere bastaǵan.
Densaýlyq saqtaý basqarmasy basshysynyń orynbasary Nurjan Isabekovtiń aıtýynsha, bıyl jedel járdem shaqyrýshylar sany az bolǵan. Ótken jyldary 40 ret shaqyrǵan bolsa, bıyl 24 adam medıtsınalyq kómekke júgingen. Olardyń ishinde pırotehnıkalyq ónimniń jarylýynan zardap shekken 3 adam aýrýhanaǵa jatqyzyldy. Al astan, ishimdikten eshkim ýlanǵan joq.
