Jańa jyl túninde adam óltirgen kúdikti oqıǵa ornynda ustaldy
TALDYQORǴAN. QazAqparat - Almaty oblysynda 50 jastaǵy er adam qylmys jasaǵan jerinde ustaldy. Kúdikti 35 jastaǵy azamatty ólimshi etip soqqyǵa jyqqan, dep habarlaıdy QazAqparat tilshisi.
Oqıǵa Talǵar qalasynda tirkelgen. Kópqabatty úı turǵyndary jańa jyl túninde kórshi páterdegi janjaldy basý úshin tártip saqshylaryn shaqyrǵan. Patrýldik polıtsııa qyzmetkerleri ol jerden bir azamattyń jansyz denesin taýyp aldy, al sol sátte ekinshi er adam jıhazdaǵy qan izderin jýyp jatqan bolatyn.
Anyqtalǵandaı, eki azamat páterdi jalǵa alyp turyp jatqan. Ekeýi de qaladaǵy qurylys nysandarynyń birinde jumys istep kelgen. Merekelik dastarhan barysynda sózge kelisip, arty tóbeleske ulasqan. Almaty oblystyq polıtsııa departamentiniń baspasóz qyzmeti 50 jastaǵy er azamattyń 35 jastaǵy páterlesin ólimshi etip sabaǵany negizgi dálel retinde iske tirkelgenin atap ótti.
Qazir QR QK 99-baby («Kisi óltirý») boıynsha sot aldy tergeý jumystary júrip jatyr. Kúdikti Talǵar aýdandyq polıtsııasynyń ýaqytsha ustaý ızolıatoryna qamaýǵa alyndy.
