Jańa jyl túnin júgirip qarsy al: Elordada sporttyq aktsııa ótedi

NUR-SULTAN. QazAqparat - 31 jeltoqsan kúni «Jańa jyldyq júgirý– 2022» pandemııaǵa qarsy buqaralyq sporttyq aktsııasy ótedi, dep habarlaıdy QazAqparat.

QR Mádenıet jáne sport mınıstrligi Sport jáne dene shynyqtyrý isteri komıteti men Nur-Sultan qalasy ákimdiginiń uıymdastyrýymen Qazaqstan Respýblıkasy Táýelsizdiginiń 30 jyldyǵyn merekeleý aıasynda pandemııaǵa qarsy buqaralyq sporttyq aktsııa sheńberinde jappaı buqaralyq júgirý jáne skandınavııalyq júris ótedi.

«Jańa jyldyq» júgirý jarysynyń negizgi qashyqtyǵy 2022 metr shaqyrymdy quraıdy. Jarysqa nıet bildirgen qala turǵyndary men qala qonaqtary jáne sport áýesqoılary qatysa alady.

Jarystyń basty maqsaty – elordada buqaralyq sportty damytý, Nur-Sultan turǵyndary men qonaqtary arasynda salaýatty ómir saltyn nasıhattaý jáne pandemııaǵa qarsy buqaralyq sporttyq aktsııasyn qoldaý. Jarys 31 jeltoqsan kúni, elordadaǵy «Qazaq eli» monýmenti alańynda ótedi. Start: saǵat 23:20-da