Jańa jyl túni lokomotıvtik brıgadanyń 7 myńnan astam qyzmetkeri jumys isteıdi
ASTANA. QazAqparat - «Lokomotıv» AQ derekterine sáıkes jańa jyl túni jolaýshylarǵa, júk, manevr, sharýashylyq qozǵalystary úshin 7100-den astam mashınıst men mashınıst kómekshileri jumys isteıdi, bul lokomotıvtik brıgadanyń jalpy sanynyń 45 paıyzǵa jýyǵyn quraıdy.
«Lokomotıv» AQ baspasóz qyzmeti atap ótkendeı, depo janyndaǵy rezervte 300-ge jýyq mashınıst pen mashınıst kómekshileri bolady. Olardyń basty mindeti - lokomotıvterdi ýaqtyly ornalastyrýdy jáne kúzetti, teplovozdar men elektrovozdar qyzmetin qamtamasyz etý.
-Budan basqa, jańa jyl túni jumys ornynda kezekshi apparattan 200-ge tarta qyzmetker bolady: depo kezekshisi, depo basshylarynyń ishinen narıadshylar men jaýapty tulǵalar. AQ ortalyq apparatynda da mereke kúnderi kezekshilik uıymdastyrylǵan.
Jańajyldyq merekeniń temir jol kóliginiń jumysyna múldem qatysy joq. Lokomotıv shtatty rejimde jumys isteıdi. Poıyz qozǵalysy keste boıynsha júzege asyrylady, - dedi vıtse-prezıdent Aıtym Quraqbaev.
