Jańa jyl túni Astanada petardanyń kesirinen páter balkony órtendi

ASTANA. QazAqparat – Elordalyq turǵyn úı keshenderiniń biriniń balkony petardanyń kesirinen otqa orandy. Zardap shekkender joq, dep habarlaıdy QazAqparat tilshisi.

Áleýmettik jelilerdiń habarlaýynsha, jańa jyl túninde turǵyndar ushyrǵan petardanyń biri úıdiń balkonyna qaraı ushyp, sonda jarylǵan.

Bul kezde páterde eshkim bolmaǵan.

Tótenshe jaǵdaılar departamenti oqıǵaǵa qatysty túsinikteme berdi.

«1 qańtar kúni saǵat 00:20-da 101 pýltine Nájimedenov kóshesindegi 16-shy úıden órt shyqqany týraly habar kelip tústi. Órt sóndirý bólimsheleri jetken kezde úıdiń №11 páteriniń balkonynda turmystyq zattar janyp jatqany anyqtaldy. Jalyn 5 sharshy metr aýmaqqa tarady», - dep habarlaıdy Astana qalalyq TJD.

Órt saǵat 00:42-de tolyq sóndirildi.

Órttiń shyǵýyna pırotehnıkalyq buıymdardy jandyrý sebep bolǵan, dep naqtylady vedomstvodan. Zardap shekkender joq.