Jańa jyl túni Almatyda qalypty jaǵdaıda ótti
ALMATY. 2 qańtar. QazAqparat /Erbol Azanbek/- Jańa jyldy qarsy alý túni Almatyda asa shýly oqıǵalarsyz ótti. Bul týraly QazAqparatqa Almaty qalalyq azamattyq qorǵanys, jedel daıyndyq, tabıǵı qaýipter men apattardyń aldyn-alý, aýyzdyqtaý departamentiniń bastyǵy Baýyrjan Ysqaqov aıtty.
«Kishigirim órtter oryn aldy, alaıda olar tez sóndirildi. Jalpy alǵanda jaǵdaı qalypty, zardap shekkender joq»,- dedi ol. Onyń aıtýynsha, qalalyq arnaıy qyzmet daıyndyq jaǵdaıynda turǵan. Alaıda asa iri oqıǵalardyń oryn almaýyna baılanysty arnaıy mekemelerdiń qyzmeti de kúndelikti jaǵdaıda ótken.
